١.سوال:-حج بدل درست ہونے کے لیے کتنی شرائط ہیں اور کیا کیا ہے؟

جواب:-حج بدل کے لیے چند شرائط ہیں۔۔(1). آمر کا اسے حج کرنے کے لیے صراحتاً حکم دینا ،البتہ وارث کا اپنے مورث کی طرف سے بلا امر حج کرنا بھی معتبر ہے،(2). احرام باندھتے وقت مامور کا آمر کی طرف سے حج کی نیت کرنا،(3). مامور کا آمر کی طرف سے خود حج کرنا،دوسرے سے نہ کروانا،(4). اگر میت نے حج بدل کی وصیت میں کسی خاص شخص کو متعین کیا ہو تو اسی متعین شخص کا عرض کرنا ضروری ہے الا یہ ہے کہ کوئی معقول عذر ہو (5). اکثر سفر حج میں آمر کا مال خرچ کرنا،(6). اکثر سفر سوار ہو کر کرنا لہذا اگر پیدل سفر کیا تو آمر کی طرف سے حج درست نہیں ہو گا ،(7). آمر کی وطن سے سفر شروع کرنا،(8). حج کو فاسد نہ کرنا کیونکہ اگر حج بدل کو فاسد کر دیا تو یہ حج آمر کی طرف سے نہ ہو کر مامور کی طرف سے ہوگا ،(9). آمر کے حکم کی مخالفت نہ کرنا مثلا اس نے حج افراد کا حکم دیا ہے اور معمور نے اپنی مرضی سے حج قران یا حج تمتع کر لیا تو یہ حج آمر کی طرف سے نہیں ہوگا البتہ اگر خود آمر یا وصی حج تمتع یا قران کی اجازت دے تو اس کی گنجائش ہے(10). ایک سفر میں ایک ہے حج کا احرام باندھنا لہذا اگر معمور نے آمر کے احرام کے بعد اپنی حج کا بھی احرام باندھ لیا تو آمر کا حج ادا نہ ہوگا،(11). ایک احرام میں دو شخصوں کے نیت نہ کرنا لہذا اگر مثلا دو ادمیوں نے مامور کو حج بدل کا حکم دیا اور اس نے اس سفر میں دونوں امرو کی طرف سے نیت کر لی تو ان آمروں میں سے کسی کی طرف سے بھی حج ادا نہیں ہوگا(12). حج کا فوت نہ کرنا۔فقط واللہ اعلم ۔